“Ittun”Arbasoen Ituna liburua aurkeztuko du
Villabonako Kultura sailak antolaturiko ekintzen artean, Toti Martínez de Lezea (2000. urteko Zilarrezko Euskadi Saria) gasteiztarrak, bere azken nobela aurkeztuko du martxoaren 15ean Subijana Etxean (19:30). “Los hijos de Ogaiz”, “La comunera” edo “Las torres de Sancho” Euskal literatura garaikidearen erreferentziazko lanen egilea da bera.
“Enda” (2014) nobela arrakastatsuaren argumentua berrartuz, idazle polifazetikoaren (gidoilaria, aktorea, Kukubiltxo antzerki taldearen sortzailea) genero fantastikoko lan berriaren istorioa Aralar mendian (erensugearen mendilerroan) kokatzen da. Euskal mitologiaren elezaharren inguruko keinu ugari topatuko ditugu liburu berri honetan, bere garaian On Joxe Miel Barandiaranek adibidez bere lanetan jaso zituenak.
Martxoaren 15ean aurkezpen dinamiko eta interaktibo batean parte hartzeko aukera edukitzeaz gain, liburuaren euskarazko zein gaztelaniazko hainbat ale lortzeko aukera izango dute bertaratzen direnek.