Urzain-Taldeak Amasa-Villabonako Udalarekin hitzartutako kontratuaren arabera, hilabetero egin beharreko garbiketaren bigarren astea bete du. Horrela, maiatzaren 3tik 7ra herritar askok paseorako erabiltzen dituzten hiru natur-ingurune garbitu dira: Sorredor erreka, Olatxo / Otsabiko errekak, eta Komizar Parkea.
Hauetaz gain, herritarrek eskainitako informazioari esker, aspaldi identifikatutako bi gune ere garbitu dira: Mullubia errekan 500 bat Kg-ko pilaketa bat jaso da, eta, Muntegi inguruan, beste 300/400 bat Kg-ko bigarren pilaketa bat. Biak kableen kobrea lapurtzearen ondorioz, natur-inguruneetan utzitako hondakin pilaketa handiak ziren.
Garbitutako eremuak
- Sorredor erreka: Oria ibaiarekin elkartzen den tokitik, Amasako Etxeartea parajerainoko zatia.
- Olatxo erreka / Otsabiko erreka: Arbe enpresaren atzealdetik, Otsabiko errepide azpialderaino.
- Komizarreko Parkea: Aparkaleku inguruak, eta mahaiak dauden inguru guztiak garbitu dira.
- Mullubiko erreka: Mullubi erreka inguruko kable gehienak bildu eta gainontzekoak baztertu egin dira (urari eragin ez diezaioten).
Aste guztian jasotakoaren gaikako emaitzak
- PLASTIKOA: (30L-ko 9 Zabor Poltsa) 17,055 Kg
- PLASTIKO BOTILAK: (36 Botila) 1,400 Kg
- PLASTIKO ESKULARRUAK: (16) 0,012 Kg
- PLASTIKO GOGORRA: (39,410 Kg + 450,000 Kg) 489,410 Kg
- PAPERA: 2,825 Kg
- BEIRA: (29 beirazko edukiontzi) 10,725 Kg
- METALA: (1.028 Lata) 23,710 Kg
- EGURRA: 104,800 Kg
- HONDAKIN ELEKTRONIKOAK: (Kable elektrikoa) 2,470 Kg
- ERAISPENEKO-OBRA HONDAKINAK: 182,350 Kg
- ERREFUSA: 14,230 Kg
- NEUMAT./KAUTXO HONDAKINAK: (Kotxe gurpil bat) 15,200 Kg
- KOLTXOIAK: (1) 35,100 Kg
- PINTURA POTOAK: (1) 1,100 Kg
- POLIESPANA: 0,215 Kg
- MUSUKOAK: (9) 0,125 Kg
- PILAK: (8 Pila txiki+ Pila Bateria bat) 0,856 Kg
- FITOSANITARIOAK: (Fitosanitarioz betetako poltsa bat) 2,285 Kg
- AEROSOLAK: (2 spray poto) 0,345 Kg
- KOTXE OLIOA: (2 Lata + bidoi 1) 2,040 Kg
- BESTE BATZUK: 10,012 Kg
ASTE GUZTIKO BILKETA: 916.265 Kg
Beti bezala, jasotako hondakin guztiak edukiontzietan sailkatu, kudeatu eta Tolosaldeko mankomunitateak dituen bi Garbiguneetara eraman dira.
Hurrengo garbiketa ekaineko lehenengo astean zehar burutuko da.