Emakume eta Neska Zientzialariaren Nazioarteko Eguna ospatzeko Tolosaldeko saltokiek Tolosaldea Garatzenek eta Elhuyarrek sustatutako “Otsailaren 11 erakusleihoak” ekimenean parte hartuko dute. Tartean dira Villabonako Galerias MJ, Eizmendi kirolak eta Garintza mertzeria.
Otsailaren 11tik 21era Tolosaldeko 22 saltokik euren erakusleihoa emakume ikertzaile baten omenez apainduko dute. Ekimen hau Bizilabe, gazteentzako zientzia- eta teknologia-ekintzak egiteko aisialdi-eskaintzaren barruan kokatzen da.
Tolosaldea Garatzenek eta Elhuyarrek, eskualdeko udalekin eta Tolosa&Co eta Oria merkatari elkarteekin elkarlanean, “Otsailaren 11 erakusleihoak” proiektua jarri dute abian Tolosaldeko 22 dendatan, emakumeek zientziaren eta teknologiaren arloan egin duten lana ezagutarazteko.
Bizilaberen barruan kokatzen da kanpaina, hau da, gazteentzako jarduera zientifiko eta teknologikoak egiteko aisialdi-jardueraren barruan.
Guztira, Bilboko, Elgoibarko, Donostiako eta Tolosaldeko 92 dendak egin dute bat kanpainarekin. Euskadi mailako kanpaina otsailaren 11n hasiko da, Emakume eta Neska Zientzialarien Nazioarteko Egunean. Tolosaldea eskualdean, Tolosa, Amasa-Villabona eta Ibarrako 22 saltokik apainduko dituzte erakusleihoak.
Establezimendu bakoitza emakume zientzialari bati eskainiko zaio, eta zientzialariaren ilustrazioa eta informazioa erakutsiko dira bertan. Guztira 12 emakume omenduko dira. Gainera, zientzialariaren ikerketan inspiratuta apainduko da erakusleihoa. Horrela, merkatariak emakume zientzialarien bizitzaren eta lanaren dibulgatzaile bihurtuko dira, eta, gainera, emakumeek zientziari egin dioten ekarpena ikusarazten lagunduko dute.
Emakume ikertzaile hauen ilustrazioak Bizilaberen webgunean eskegita egongo dira, euren istorioekin batera, istorio hauetan ikertzaileen bizitza, gertaerak eta asmakuntzak biltzen dira.
Hauexek dira “Otsailaren 11 erakusleihoak” ekimenean parte hartuko duten Tolosaldea eskualdeko saltokiak:
Amasa-Villabona
● Garintza mertzeria
● Eizmendi Kirolak
● Galerias M.J
Tolosa
● Mikel Altzariak
● Richard Argazkilariak
● Amets Jostailudenda
● Aldama Tapia Artekaritza
● Centro Dietético
● CDI Informatika
● Aralart Decoración
● Elkar
● Oyarzabal Muebles
● ZÜR studio
● Farmazia Azpiroz
● El Atelier
● Dandaka
● Oskia Karrera Argazkilaritza Estudioa
● Koinobori Sushi Taberna
● Saberri lurrindegia
● Arantxa arraindegia
● ANM Arkitektura
Ibarra
● L.M. Ileapaindegia