Osakidetzako arduradunek udalari jakinarazi diotenaren arabera, datorren asteartetik aurrera (maiatzak 25), Covid-19aren kontrako txertaketarako gunea zabalduko da Villabonako Gurea antzokiko erakusketa gelan. Osakidetzako teknikari eta profesionalek, udaleko arduradunek eskainitako eraikina aztertu zuten eta txertaketa kanpainak dituen beharretarako gune egokia zela ondorioztatu zuten.
Ez dago zalantzarik pandemia atzean utzi ahal izateko une honetan lehentasunezkoa dela txertaketa kanpaina hau modu egokian eta ahalik eta azkarren garatzea. Horretarako, udalak eraikin honen erabilera Osasun sailaren eta Osakidetzaren esku utzi du eta behar den guztirako bere lankidetza eskaintzen die osasun zerbitzu publikoei.