Villabonako Oria Merkatari Elkartetik, larunbat goizen dinamizazioa martxan jartzera goaz!
Apiriletik-ekainera, larunbat goizetako erosketak bereziki sarituko ditugu. Hilabetero, hainbat ekimen ezberdin uztartuko ditugu: bazkari-afarien eta bestalako zozketak, ekintza gastronomikoak, opariak,…
Apirila, lehen hilabetea, sorpresaz beterik datorkigu; Bertoki garagardo azokarekin kolaborazioak, antzerkirako sarreren zozketak edo sagardotegirako gonbidapenak zozkatuko ditugu. Zehazki, larunbat honetan, apirilak 1, arratsaldean, Bertoki Garagardo Azoka 2017aren inaugurazio ekitaldia denez, bertako pintxoetarako tickeak banatuko ditugu erosketen artean. Aukera galduko duzu?