Azken hilabeteetan Udaleko obra brigadako langileak Amasako hilerrian lanean aritu dira, bertako lurzorua aldatzeko. Lehen harri-txintxarra zegoen eremu eta pasabideetan hormigoizko baldosak ezarri dira, hilerriaren irisgarritasun baldintzak nabarmen hobetuz. Horrela, aurrerantzean Amasako hilerria irisgarria izango da, baita mugikortasun arazoak dituzten pertsonentzat ere.
Udalak guztira 12.000 euroko inbertsioa egin du obra honetarako materiala erosteko, eta aipatu bezala lanak udaleko obra brigadako langileek gauzatu dituzte.